U Biełarusi adkryjuć Muziej handlu z «rarytetna-nastalhičnymi artefaktami»
U Biełarusi rychtujecca da adkryćcia ŭnikalny muziej, pryśviečany historyi handlu, paviedamlaje MARH. Užo zaraz u budučuju historyka-demanstracyjnuju zału pastupiła pieršaja partyja kaštoŭnych ekspanataŭ.
Siarod ich — nabor hir roznaj vahi, staradaŭnija ryčažkovyje šali, zdolnyja ŭzvažvać da 20 kiłahramaŭ, a taksama ličylna-sartavalnaja mašyna dla maniet i kalkulatar «Iskra».
Asablivaje miesca zojmuć kasavyja aparaty roznych hadoŭ vypusku, pradastaŭlenyja AAT «Handaltechnika».
Nie abydziecca i bieź śviedčańniaŭ minułaha ŭ vyhladzie kartak spažyŭca i praduktovych tałonaŭ na masła.
Ich pieradaŭ u Minsk Muziejny kompleks historyi i kultury Aršanščyny.
Aktyŭny ŭdzieł u farmiravańni kalekcyi prymajuć i zvyčajnyja hramadzianie. Minčanie ŭžo papoŭnili Muziejny fond aparatam dla haziravanaj vady, a taksama staradaŭnim kasavym aparatam «Aka» i aryfmomietram.
Žychar Mahilova taksama ŭnios svoj układ, pieradaŭšy ručny biaźmien, płatformiennyja šali i aryfmomietr. Akramia taho, viadziecca aktyŭny zbor archiŭnych materyjałaŭ: staradaŭnich fatahrafij, dakumientaŭ, značkoŭ, hrašovych znakaŭ roznych pieryjadaŭ, nalepak i inšych pradmietaŭ, źviazanych z handlem.