U Minsku hałoŭnaha inžyniera firmy sudzili za chabar 300 rubloŭ
Mužčyna za hrošy paabiacaŭ dapamahčy inšaj firmie vyjhrać tendar.
Žychar Kleckaha rajona pracavaŭ hałoŭnym inžynieram-miechanikam firmy, jakaja zajmałasia sielskaj haspadarkaj. U krasaviku 2024 hoda jon pryniaŭ ad dyrektara pryvatnaj kampanii 300 rubloŭ.
Za hetyja hrošy hałoŭny inžynier paabiacaŭ dapamahčy vyjhrać tendar na ramont pahruzčyka i biez prablem padpisać akty vykananych rabot.
Kali pra heta stała viadoma, na inžyniera zaviali kryminalnuju spravu. Vinu jon pryznaŭ častkova i addaŭ dziaržavie 300 rubloŭ, pišuć «Minsk-Naviny».
Dla 62-hadovaha inžyniera heta była pieršaja kryminalnaja sprava. Sud pryznačyŭ jamu abmiežavańnie svabody z nakiravańniem na 2,5 hady, štraf u 12 600 rubloŭ i zabaronu zajmać kiraŭničyja pasady na 5 hadoŭ. Pa amnistyi adzin hod «chimii» mužčynie skaročany.