Asudzili minčuka, jaki zabiŭ dvuch katoŭ
U stalicy vyniesieny čarhovy prysud pa spravie ab žorstkim abychodžańni z žyviołami. Žychar stalicy atrymaŭ pakarańnie za zabojstva dvuch katoŭ, paviedamili ŭ Minskim haradskim sudzie.
U listapadzie 2024 hoda mužčyna znachodziŭsia ŭ kvatery na vulicy Jakuboŭskaha. U peŭny momant jon nadzieŭ na šyju kata parody śfinks piatlu z ramiania i paviesiŭ žyviołu na trubie, raźmieščanaj kala ściany i stoli. Paśla hetaha jon kinuŭ u ścianu biezparodnaha kata, a zatym vykinuŭ abiedźviuch žyvioł ź piataha paviercha. Katy zahinuli.
Akramia taho, u studzieni abvinavačany ździejśniŭ kradziež u adnym z damoŭ pa vulicy Šaranhoviča.
Pa sukupnaści złačynstvaŭ, šlacham pahłynańnia mienš strohaha pakarańnia bolš strohim, mužčynu pryhavaryli da troch hadoŭ kałonii. Apielacyjnaja skarha sudom pakinuta biez zadavalnieńnia.