Tramp rasparadziŭsia budavać uradavyja budynki ŭ kłasičnym styli
Ukaz prezidenta ZŠA, jaki nazyvajecca «Zrobim uradavuju architekturu znoŭ pryhožaj», vyznačaje pryjarytet kłasičnaj i tradycyjnaj architektury pry budaŭnictvie fiederalnych budynkaŭ, piša Bi-bi-si.
Fota: Alex Brandon / AP
Jak padkreślivajecca ŭ dakumiencie, hetyja budynki pavinny natchniać hramadzian, być paznavalnymi i adlustroŭvać hodnaść i stabilnaść dziaržavy.
Tramp raskrytykavaŭ madernisckuju architekturu druhoj pałovy XX stahodździa, zajaviŭšy, što jana nie padabajecca hramadstvu i nie ŭsprymajecca jak simvał ułady. Z ukazu vynikaje, što takija styli, jak madernizm, brutalizm i dekanstruktyvizm, ličacca niepažadanymi.
Pavodle ŭkazu, Upraŭleńnie ahulnych słužbaŭ (GSA) pavinna addavać pieravahu kłasičnamu abo tradycyjnamu stylu pry zaćviardžeńni prajektaŭ, a ŭ Vašynhtonie kłasičnaja architektura dla fiederalnych budynkaŭ pryznačana stylem pa zmoŭčvańni.
Kali ž viedamstva choča zaćvierdzić prajekt u inšym styli, to jano pavinna paviedamić prezidenta i pradstavić jamu detalovaje abhruntavańnie takoha vybaru.