Rasija pieršapačatkova patrabavała ad Ukrainy terytoryi čatyroch rehijonaŭ u ich administracyjnych miežach
«Ciapier jany admovilisia ad hetych patrabavańniaŭ i zhodny zastacca na linii sudakranańnia — aproč Danbasa», — zajaviŭ ministr zamiežnych spraŭ Turcyi.
Słaviansk na Danbasie. Fota: Roman Chop/Global Images Ukraine via Getty Images
Rasija pieršapačatkova patrabavała ad Ukrainy terytoryi čatyroch rehijonaŭ u miežach ich administracyjnych miežaŭ, ale admoviłasia ad hetaj umovy, zajaviŭ ministr zamiežnych spraŭ Turcyi Chakan Fidan, piša RBK.
«Ciapier jany admovilisia ad hetych patrabavańniaŭ i zhodny zastacca na linii sudakranańnia, za vyklučeńniem adnaho rajona: jak vam viadoma, Danbas padzieleny na dźvie častki — Łuhansk i Danieck. U ciapierašni čas isnuje papiaredniaja damoŭlenaść ab pieradačy im astatnich 25—30% Daniecka i zachavańni Zaparožža i Chiersona ŭ miežach linii sudakranańnia».
Rasijskija ŭłady nie paćviardžali hetuju infarmacyju. Jak zajaviŭ prezident 1 žniŭnia Uładzimir Pucin, umovy nie źmianilisia ź minułaha leta: vyvad ukrainskich vojskaŭ z terytoryi respublik Danbasa, Zaparožskaj i Chiersonskaj abłaściej, a taksama pryznańnie ich i Kryma ŭ składzie Rasii.
15 žniŭnia ŭmovy mirnaha ŭrehulavańnia abmiarkoŭvalisia Pucinym i prezidentam ZŠA Donaldam Trampam na Alascy.