Pašynian dapuściŭ, što Armienija moža vyjści ź JEAES

Premjer-ministr Armienii nahadaŭ, što kraina ŭziała kurs na jeŭraintehracyju.

Nikoł Pašynian. Fota: Carl Court/Getty Images

Premjer-ministr Armienii Nikoł Pašynian nie vyklučyŭ, što kraina ŭ budučyni moža vyjści ź JEAES.

Kiraŭnik armianskaha ŭrada adznačyŭ, što kraina ŭziała kurs na jeŭraintehracyju, a ŭdzieł adnačasova ŭ dvuch takich abjadnańniach naŭrad ci mahčymy, piša pastinfo.am.

«My razumiejem, što adnačasovaje členstva ŭ ES i JEAES niemahčymaje, i kali nastupić momant, kali vybar stanie niepaźbiežnym, my prymiem rašeńnie», — skazaŭ Pašynian.

U JEAES, akramia Armienii, uvachodziać Biełaruś, Kazachstan, Kyrhyzstan i Rasija. Adnosiny Jerevana ź Minskam i Maskvoj u apošni čas rezka pahoršylisia z-za padtrymki, jakuju ŭłady Biełarusi i Rasii akazvali Azierbajdžanu. 

U vyniku Armienija zamaroziła svajo členstva ŭ ADKB. A sam Pašynian na apošnich samitach JEAES u Maskvie i Minsku ŭdzielničaŭ tolki pa videasuviazi.

Adnačasova Armienija aficyjna ŭziała kurs na intehracyju ź Jeŭrasajuzam i pryniała zakon ab namiery ŭstupić u ES. U rasijskim MZS Jerevan užo papiaredzili pra toje, što być udzielnikam adnačasova ŭ ES i JEAES nie atrymajecca.

Kamientary da artykuła