U Ministerstvie adukacyi raskazali, kali baćki mohuć pryjści ŭ škołu da svaich dziaciej
28 žniŭnia na pres-kanfierencyi načalnica ŭpraŭleńnia ahulnaj siaredniaj adukacyi Ministerstva adukacyi Iryna Karžova rastłumačyła, u jakich vypadkach baćki mohuć trapić u škołu, dzie vučacca ich dzieci.
Fota ilustracyjnaje
Čynoŭnica adznačyła, što kiraŭnik ustanovy adukacyi abaviazany zabiaśpiečyć biaśpiečnyja ŭmovy dla vučniaŭ. Tamu mienavita jon vyznačaje čas, kali baćki mohuć bieź pieraškod pryjści ŭ škołu, sustrecca z kłasnym kiraŭnikom i daviedacca pra pośpiechi dziciaci.
Kab trapić u budynak, treba pakazać dakumient, jaki paćviardžaje asobu.
Karžova taksama nahadała, što ŭ mnohich škołach ciapier ustalavanyja turnikiety, jakija abmiažoŭvajuć svabodny ŭvachod. U Ministerstvie adukacyi heta rašeńnie ličać pravilnym.
Čytajcie taksama:
Nastaŭnikam u škołach zabaranili karystacca mabilnymi telefonami padčas urokaŭ
«Addali ŭvieś zarobak» vs «usio apłaciła dziaržava». Zbory ŭ škołu ŭ Biełarusi i ŭ Polščy