«Jany sprabavali zabić prezidenta». Chaŭjera Mileja zakidali kamianiami
Na pieradvybarčym mierapryjemstvie prezidenta Arhienciny Chaŭjera Mileja stali abražać, a potym u jaho palacieli kamiani i płastykavyja butelki.
Fota ź instahrama Chaŭjera Mileja
Heta adbyłosia praź niekalki chvilin paśla taho, jak Milej prybyŭ u Łamas-de-Samora (pryharad Buenas-Ajresa), paviedamlaje arhiencinskaja hazieta Clarin.
Mileja i jahonuju siastru, jakaja była ź im, nieadkładna evakujavali. Pavodle danych navinavaha partała Bloomberg, jany nie paciarpieli. Adnak adna prychilnica Mileja atrymała ranieńnie, chutkaja dapamoha dastaviła jaje ŭ balnicu. Deputat Arhienciny Chase Łuis Eśpiert byŭ vymušany ratavacca ŭciokami.
«Toje, što tolki što adbyłosia ŭ Łamas-de-Samora, — heta zamach. Jany sprabavali zabić prezidenta nacyi», — skazaŭ pres-sakratar prezidenta.