U Słavakiju znoŭ pačała pastupać nafta pa hazapravodzie «Družba»
U Słavakiju znoŭ pačała pastupać nafta z Rasii pa trubapravodzie «Družba», paviedamiła ministr ekanomiki Denisa Sakava.
«Padača nafty ŭ Słavakii pa trubapravodzie «Družba» adnoŭlena! Spadziajusia, što praces [prakački] budzie stabilny i bolš nie budzie atak na enierhietyčnuju infrastrukturu», — napisała jana na svajoj staroncy ŭ Facebook.
Vienhryja raniej abvinavaciła Ukrainu va ŭdary pa abjekcie naftapravoda «Družba» ŭ Branskaj vobłaści nočču 13 žniŭnia.
Premjer-ministr Vienhryi Viktor Orban u liście prezidentu ZŠA Donaldu Trampu acharaktaryzavaŭ ataki Ukrainy na naftapravod jak «nadzvyčaj niedružalubny krok». U adkaz kiraŭnik Biełaha doma zajaviŭ Arbanu, što «vielmi raźjušany» na Ŭkrainu z-za hetych dziejańniaŭ.
«Hetyja ataki nakiravanyja suprać Vienhryi i Słavakii <…> hetyja ataki nanosiać škodu Vienhryi i Słavakii, jany nie majuć nijakaha dačynieńnia da Rasii», — skazaŭ ministr zamiežnych i vonkava-haspadarčych suviaziej Vienhryi Pietier Sijarta.