Kolkaść zahinułych u Kijevie vyrasła da 12, siarod ich troje dziaciej
Rasijskija vojski nočču masava atakavali Kijeŭ dronami i rakietami roznych typaŭ. Najbolšyja razbureńni — u Darnickim rajonie, tam vorah trapiŭ u padjezd žyłoha piacipaviarchovika, paviedamlaje RBK-Ukraina.
Fota: RBK-Ukraina
Usiaho ŭ horadzie fiksujuć nastupstvy ŭ Darnickim, Dniaproŭskim, Sałamianskim, Šaŭčenkaŭskim, Hałasiejeŭskim, Abałonskim i Dziaśnianskim rajonach.
Adnak mienavita ŭ Dniaproŭskim i Darnickim rajonach — značnyja paškodžańni ŭ žyłoj zabudovie. U apošnim rasijanie pramym traplańniem źniščyli častku piacipaviarchovaha doma. Na miescy praciahvajecca vyratavalnaja apieracyja. Troch čałaviek udałosia dastać z-pad zavałaŭ. Pa apošnich danych, 12sčałaviek zahinuli, siarod ich troje dziaciej, 48 paranienyja.
Taksama ŭ hetym rajonie paškodžanyja inšyja žyłyja damy. U pryvatnaści, askołki BPŁA ŭpali na dach 9-paviarchovaha doma. Uźnikła ŭzharańnie. Paškodžany taksama 16-paviarchovy žyły dom, pryvatny dom, parkovačnaje miesca, dziciačy sadok.