Biełaruś stała lidaram pa imparcie rasijskich makaronaŭ
Bolš za ŭsio rasijskich makaronaŭ u 2025 hodzie kuplaje Biełaruś. Pra heta paviedamlaje telehram-kanał «Ahraekspart».
Fota: OL
Biełaruś akazałasia na pieršym miescy siarod krain — imparcioraŭ makaronaŭ z Rasii. Na našu krainu prypadaje 32% pastavak.
U top-3 taksama Kazachstan i Uźbiekistan, doli jakich 22 i 11% adpaviedna.
Za studzień — lipień 2025 hoda Rasija pastaviła na zamiežnyja rynki kala 72 tys. ton makaronnych vyrabaŭ na sumu bolš za $104 młn. Za hety ž pieryjad minułaha hoda ekspart skłaŭ kala 67 tys. ton na $82 młn. U vyniku abjom pastavak vyras na 7% u naturalnym vyražeńni i na 27% — u hrašovym.
Nahadajem, hod tamu jeŭrapiejskija makarony trapili ŭ śpis zabaronienych dla ŭvozu ŭ Biełaruś.