Unačy rasijanie dronami i rakietami atakavali Kijeŭ
Stanam na 6:14 zafiksavanyja nastupstvy ataki na bolš jak 20 łakacyjach u Darnickim, Dniaproŭskim, Sałamianskim, Šaŭčenkaŭskim, Hałasiejeŭskim, Abałonskim i Dniaproŭskim rajonach stalicy Ukrainy.
Fota z telehram-kanała Andreja Jermaka
Akramia taho, pavodle apieratyŭnaj infarmacyi, jak minimum vosiem čałaviek zahinuli i 24 atrymali traŭmy roznaj stupieni ciažkaści.
Siarod zahinułych — 14-hadovaja dziaŭčyna.
Siarod paciarpiełych — jak minimum piaciora dziaciej va ŭzroście ad 7 da 17 hadoŭ.
Ci siońniašnija rasijskija rakiety i ŭdarnyja drony źjaŭlajucca vyraznym adkazam usim u śviecie, chto tydniami i miesiacami zaklikaŭ da spynieńnia ahniu i da realnaj dypłamatyi. Rasija vybiraje balistyku, a nie stoł pieramovaŭ. Vybiraje praciahvać zabojstvy, a nie skančać vajnu. I heta aznačaje, što Rasija dahetul nie baicca nastupstvaŭ. Rasija dahetul karystajecca tym, što prynamsi častka śvietu zapluščvaje vočy na zabitych dziaciej i šukaje apraŭdańni dla Pucina», — napisaŭ Uładzimir Zialenski.