Zatrymali adnaho z udzielnikaŭ juvielirnaha brenda Belaruskicry Jahora Bužyłava. Prapahandysty pakazali jaho
26 lipienia stała viadoma, što juvielirny brend Belaruskicry u Biełarusi pryznali «ekstremisckim farmiravańniem». Praź miesiac, 27 žniŭnia, dziaržaŭnaje telebačańnie paviedamiła pra zatrymańnie adnaho z udzielnikaŭ brenda — dyrektara pa vytvorčaści Jahora Bužyłava. U siužecie jaho pakazali za kratami, vierahodna, u izalatary.
Skrynšot ź videa
Prapahandyst Ihar Tur u siužecie taksama nazvaŭ inšych ludziej, źviazanych z brendam: zasnavalnicu i ŭładalnicu Alaksandru Kurkovu, jaje siabroŭku i hiendyrektarku Marynu Siarhijeniu, dziaŭčynu Bužyłava i mieniedžarku pa prodažach Alenu Kulašovu.
Akramia taho, dziaržaŭnyja miedyi pakazali kadry ź inšymi nibyta «ŭdzielnikami schiemy» — Kiryłam Mileŭskim i Hannaj Klincovaj, jakich abvinavacili ŭ niezakonnym pradprymalnictvie i niaspłacie padatkaŭ.
U videa siłaviki śćviardžajuć, što ŭpryhožańni, jakija pazicyjanavalisia jak srebranyja, na samaj spravie nibyta zroblenyja z pasrebranaj łatuni.