Minčanka paprasiła susieda pryhladzieć za dziećmi, toj uziaŭ za «pasłuhi» 400 rubloŭ
U mai ŭ Frunzienskaje RUUS stalicy źviarnułasia 34-hadovaja žančyna, jakaja raskazała, što z kvatery prapała 400 rubloŭ.
Fota: Dziaržkamitet sudovych ekśpiertyz
Na miesca zdareńnia vyjechała śledča-apieratyŭnaja hrupa sa śpiecyjalistam Dziaržaŭnaha kamiteta sudovych ekśpiertyz.
Padčas ahladu pry apracoŭcy daktylijaskapičnym paraškom skryni, dzie znachodzilisia hrošy, ekśpiertam byŭ vyjaŭleny i śled ruki.
Vyśvietliłasia, što śled naležyć 18-hadovamu minčuku, jaki raniej nieadnarazova traplaŭ u pole zroku milicyi. Jon byŭ zatrymany.
Chłopiec žyŭ pa susiedstvie z paciarpiełaj i napiaredadni, pa jaje prośbie, zastavaŭsia ŭ kvatery panazirać za dziećmi. Skarystaŭšysia karotkačasovaj adsutnaściu susiedki, hrošy skraŭ.