Śpiavak Dziadzia Vania straciŭ pracu. Jon usio jašče adbyvaje chatniuju chimiju

U instahramie artyst raspavioŭ, što jon vymušany pakinuć pracu praz pryčyny, jakija ad jaho nie zaležać.

Ivan Vabiščevič. Skrynšot videa ŭ tyktoku

Letaś Ivana Vabiščeviča zatrymali ŭ Biełarusi. Jamu pradjavili abvinavačańnie pa č.1 art. 342 KK (arhanizacyja dziejańniaŭ, jakija hruba parušajuć hramadski paradak, abo aktyŭny ŭdzieł u ich). Sudzili artysta za ŭdzieł u niadzielnym maršy ŭ Minsku 23 žniŭnia 2020 hoda. U śniežni Vabiščeviču dali dva z pałovaj hoda chatniaj chimii. Jaho taksama ŭklučyli ŭ «śpis ekstremistaŭ».

Sioleta jon pačaŭ aktyŭna šukać pracu i ŭ vyniku pracaŭładkavaŭsia ŭ bar «Knihi i dym», što na minskaj vulicy Zybickaj, art-mieniedžaram. Śpiavak aktyŭna zdymaŭsia ŭ videa dla sacyjalnych sietak i raspaviadaŭ pra navinki ŭ mieniu.

Ale ž papracavać tam atrymałasia krychu bolš za paŭhoda. Pra toje, što jon vymušany pakinuć pracu nie pa svaim žadańni, Dziadzia Vania raspavioŭ u instahramie. Niahledziačy na drennyja naviny, jon nie hublaje aptymizmu: «Šou praciahvajecca, rok-n-roł budzie žyć jašče doŭha».

Kamientary da artykuła