Apple nazvała datu prezientacyi novych ajfonaŭ, čakajecca prezientacyja novaj madeli
Hałoŭnaj premjeraj stanie liniejka iPhone 17, jakaja ŭpieršyniu atrymaje novuju madel — iPhone 17 Air.
Fota: Matteo Della Torre/NurPhoto via Getty Images
Apple paćvierdziła praviadzieńnie svajoj tradycyjnaj vosieńskaj prezientacyi, pryśviečanaj iPhone. Mierapryjemstva adbudziecca ŭ aŭtorak, 9 vieraśnia, u Kupiercina (Kalifornija) a 20:00 pa minskim časie, piša The Verge.
Hałoŭnaj premjeraj stanie liniejka iPhone 17, jakaja ŭpieršyniu atrymaje novuju madel — iPhone 17 Air. Smartfon stanie samym tonkim i lohkim u historyi Apple i zamienić viersiju Plus. Čakajecca 6,6-calevy dysplej, madem Apple C1 i adzinkavaja asnoŭnaja kamiera.
Akramia hetaha, buduć pradstaŭleny: standartny iPhone 17, iPhone 17 Pro, iPhone 17 Pro Max.
Madeli Pro atrymajuć pierapracavany dyzajn z aluminijevaj ramkaj i novaj padoŭžanaj kamieraj. Usia sieryja budzie pracavać na čypach A19/A19 Pro, a technałohija ProMotion upieršyniu stanie standartam dla ŭsich pryład.