Padletak «zaminiravaŭ» handlovy centr ad imia znajomaj pa čacie
U čat-bot minskaj milicyi pastupiła paviedamleńnie z pahrozaj miniravańnia handlovych centraŭ, adpraŭlenaje ad imia niepaŭnaletniaj dziaŭčyny. Da jaho było dałučana fota jaje ID-karty, paviedamlaje telehram-kanał «Milicyja Minska».
Vyśvietliłasia, što infarmacyja iłžyvaja. Da adpraŭki paviedamleńnia apynuŭsia datyčny 16-hadovy žychar Minskaha rajona.
Junak pryznaŭsia, što napiaredadni ŭ jaho adbyŭsia kanflikt ź dziaŭčynaj z ahulnaha čata ŭ sacyjalnaj sietcy. Pakryŭdziŭšysia na jaje, jon zachavaŭ vyjava jaje ID-karty, jakuju jana raniej vykłała ŭ čat, i adpraviŭ paviedamleńnie z pahrozaj.
Viadoma, što padletak źjaŭlajecca studentam kaledža, vychoŭvajecca ŭ poŭnaj siamji i raniej užo traplaŭ u pole zroku.
U dačynieńni da jaho zaviedziena kryminalnaja sprava za zahadzia iłžyvaje paviedamleńnie pra niebiaśpieku.
Milicyja nahadvaje, što sankcyja dadzienaha artykuła praduhledžvaje pakarańnie až da pazbaŭleńnia voli na termin da siami hadoŭ.