Tramp udaryŭ pa dachodach Rasii praź Indyju
27 žniŭnia 2025 hoda nabyła moc pastanova prezidenta ZŠA Donalda Trampa ab pavieličeńni impartnych mytaŭ na tavary ź Indyi da 50% iak adkaz na zakupki rasijskaj nafty. Heta značny pavarot u adnosinach ZŠA i Indyi.
Praz amierykanskija sankcyi indyjskuju tekstylnuju halinu mohuć čakać bankructvy i zvalnieńni. Fota: Firdous Nazir / NurPhoto via Getty Images
Tramp padpisaŭ ukaz, jaki dadaŭ 25% pošlin da ŭžo dziejnych 25%, tym samym padvoiŭšy staŭku dla šyrokaha śpiektru indyjskaha ekspartu.
Jon abhruntavaŭ hety krok adkazam na kuplu rasijskaj nafty jak palityku padtrymki Pucina, jakuju ličyć niebiaśpiečnaj dla ZŠA.
Bolš za 55—66% indyjskaha ekspartu ŭ ZŠA padpadaje pad novyja pošliny, asabliva paciarpiać tekstyl, abutak, juvielirnyja vyraby, aŭtazapčastki i marskija pradukty.
Urad Indyi rascaniŭ krok jak «niespraviadlivy i nieabhruntavany» i abiacaŭ pryniać usie miery dla abarony nacyjanalnych intaresaŭ, padtrymać drobnych pradprymalnikaŭ, sialan i inšyja ŭraźlivyja hrupy.