U turystyčny maršrut dla rasijanaŭ pa Biełarusi ŭklučyli škołu, dzie vučyŭsia Łukašenka
Turystyčny centr «Dartur» Biełčyhunki sumiesna z rasijskimi kalehami z RŽD raspracavaŭ novy prajekt «Piarliny Biełarusi», jaki startavaŭ 22 žniŭnia, paviedamlaje Biełčyhunka.
Fota: Mlyn.by
Hości z Rasijskaj Fiederacyi na praciahu dvuch dzion ździejśnili zajmalnaje padarožža z Maskvy ŭ Homiel, Mahiloŭ, Škłoŭ i Aleksandryju.
«Nasyčanaja turystyčnaja prahrama piłotnaha prajekta praduhledžvała znajomstva ź miascovymi słavutaściami, historyjaj, kulturaj i tradycyjami našaj krainy, dehustacyju straŭ nacyjanalnaj kuchni», — havorycca ŭ paviedamleńni.
Hości naviedali žyvapisny Homielski pałacava-parkavy ansambl, u Mahilovie ŭbačyli staražytnyja freski kafiedralnaha kaścioła Uśpieńnia Dzievy Maryi i Śviatoha Stanisłava i Śviata-Mikolskaha žanočaha manastyra, pabyvali ŭ Mahiloŭskim abłasnym krajaznaŭčym muziei, na Alei Hierojaŭ i ŭ miemaryjalnym kompleksie «Bujnickaje pole».
Akramia taho, turysty naviedali małuju radzimu Łukašenki — ahraharadok Aleksandryja. U škole, dzie jon vučyŭsia, dla ich arhanizavali ekskursiju. Haściam pakazali i znakamituju Trafimavu krynicu.