BIEŁ Ł RUS

Vudzi Alen: Raźviazanaja Pucinym vajna žachlivaja, ale heta nie padstava spyniać tvorčyja dyskusii

26.08.2025 / 22:34

Nashaniva.com

89-hadovy režysior Vudzi Alen prakamientavaŭ dla vydańnia The Guardian niehatyŭnuju reakcyju na jahony niadaŭni ŭdzieł u Maskoŭskim mižnarodnym kinatydni, dzie jon vystupaŭ pa videasuviazi ŭ siesii, na jakoj maderataram byŭ Fiodar Bandarčuk, viadomy publičnaj padtrymkaj palityki Uładzimira Pucina

Vudzi Alen. Fota: Lorena Sopena/Europa Press via Getty Images

Ministerstva zamiežnych spraŭ Ukrainy nazvała ŭdzieł Vudzi Alena ŭ mierapryjemtvie «hańbaj». Jano adznačyła, što ŭdzieł u fiestyvali, dzie źbirajucca prychilniki Pucina i jaho palityčnyja sajuźniki, ihnaruje štodzionnyja złačynstvy Rasii va Ukrainie i zaklikała, kab kultura nikoli nie vykarystoŭvałasia dla apraŭdańnia złačynstvaŭ ci prapahandy.

Sam Alen u intervju Guardian zajaviŭ u adkaz na heta:

«Što tyčycca kanfliktu va Ukrainie, ja ćviorda liču, što Uładzimir Pucin zusim nie maje racyi. Vajna, jakuju jon raspačaŭ, žachlivaja. Ale što b ni rabili palityki, ja nie liču, što spynieńnie tvorčych dyskusij źjaŭlajecca dobrym sposabam dapamohi». 

Alen padčas svajho ŭdziełu ŭ fiestyvali zajaviŭ, što nie maje namieru zdymać filmy ŭ Rasii, ale maje tolki dobryja ŭražańni ad Maskvy i Sankt-Pieciarburha, a taksama zachaplajecca rasijskim kiniematohrafam, asabliva kłasičnaj adaptacyjaj «Vajna i mir» Siarhieja Bandarčuka, jakaja atrymała Oskara za najlepšy zamiežny film u 1969 hodzie.

U 2024 hodzie Vudzi Allen adznačaŭ, što razvažaje pra mahčymy sychod z kinaindustryi, bo, maŭlaŭ, «usia ramantyka kinamastactva źnikła».

Čytajcie taksama:

Režysior Vudzi Alen uziaŭ udzieł u Maskoŭskim tydni kino, dzie zachaplaŭsia Rasijaj i Dastajeŭskim

U zachodniaj navucy raście cikavaść da Biełarusi. Ale ź pieraškodaŭ nie tolki matroški dy čaburaški

Kusturyca abjadnaje siužety «Złačynstva i pakarańnia» i «Idyjota» ŭ adnym filmie

Kamientary da artykuła