Samaha ciažkoha hulca pa amierykanskim futbole vyhnali z kamandy z-za lišniaj vahi
Kłub Nacyjanalnaj futbolnaj lihi (Liha amierykanskaha futbołu ŭ ZŠA) Tampa Bay Buccaneers skasavaŭ kantrakt z navičkom Desmandam Uotsanam, čyja vaha dasiahnuła 204 kiłahramy.
Fota: Cliff Welch / Icon Sportswire via Getty Images
Kiraŭnictva patrabavała, kab hulec skinuŭ vahu i palepšyŭ fizičnuju formu, adnak prahresu nie było. U vyniku jaho vyklučyli sa składu, piša Bild.
Uotsan raniej padpisaŭ trochhadovy kantrakt na sumu da 3 miljonaŭ dalaraŭ, ale harantavanymi byli tolki 70 tysiač. Kali b jon vyjšaŭ na pole ŭ aficyjnym matčy, to staŭ by samym ciažkim hulcom u historyi lihi. Rekord da hetaha času trymajuć liniejnyja Tren Braŭn i Denieł Faalele — pa 172 kiłahramy.
Niahledziačy na zvalnieńnie, kłub moža zachavać Uotsana ŭ trenirovačnym składzie. U takim vypadku jon zmoža pravieści da troch hulniaŭ za siezon. Hałoŭny trenier Tod Boŭłs adznačyŭ, što raźličvaje na mahčymaść papracavać z hulcom u budučyni.
Pakul ža Desmand Uotsan zastajecca ŭ historyi NFŁ tolki jak samy ciažki futbalist, jaki tak i nie zhulaŭ nivodnaha matča.