Kurjer viarnuŭ piensijaniercy hrošy, jakija sprabavali vyvudzić machlary
Mužčyna pryniaŭ zakaz z zamiežnaha numara i zabraŭ u pažyłoj žančyny pakiet z rečami i hrašyma.
Jon pryvioz pasyłku ŭ punkt pryznačeńnia, adnak nieŭzabavie zrazumieŭ, što moža mieć miesca machlarstva. Tady jon pajechaŭ nazad i viarnuŭ usio piensijaniercy. Da taho času supracoŭniki milicyi ŭžo viedali pra zdareńnie i čakali kurjera ŭ kvatery paciarpiełaj, paviedamlaje staličnaja milicyja.
83-hadovaja žančyna stała achviaraj ašukanstva pa schiemie «Ało, mama». Piensijaniercy patelefanavała žančyna, što płakała, i pradstaviłasia jaje dačkoj.
Jana raskazała, što jana nibyta stała vinavataj u avaryi. Kab «vyratavać jaje ad kryminalnaj adkaznaści», minčanka pieradała kurjeru Br15 tys.