DTZ pad Ivacevičami, u jakim zahinuli piać čałaviek, spravakavaŭ 20-hadovy kiroŭca sa šmatlikimi parušeńniami
U MUS raskazali pra pryčyny žudasnaha DTZ u Ivacevickim rajonie.
Fota: MUS Biełarusi
U paniadziełak kala 16:30 na 171 km aŭtadarohi M1/Je30 «Brest — Minsk — miaža RF» u vyniku avaryi dvoje kiroŭcaŭ i troje pasažyraŭ va ŭzroście ad 18 da 42 hadoŭ zahinuli, 9-hadovaja dziaŭčynka špitalizavana.
Jak vyśvietliłasia, 20-hadovy kiroŭca BMW, jaki nie spraviŭsia z kiravańniem padčas daždžu, vyjechaŭ na pałasu sustrečnaha ruchu, dzie sutyknuŭsia ź lehkavym i hruzavym aŭtamabilami, nieadnarazova pryciahvaŭsia da administracyjnaj adkaznaści raniej.
U chłopca byŭ staž za rulom kala hoda, jon nieadnarazova pryciahvaŭsia supracoŭnikami DAI da administracyjnaj adkaznaści za pieravyšeńnie chutkaści, adsutnaść techahladu, na zadniaj vosi aŭtamabila byli ŭstalavanyja znošanyja šyny.