Biełarus budzie hulać u vyšejšym dyvizijonie Bielhii
21-hadovy biełaruski futbalist Maksim Kirejeŭ budzie hulać za «Miechielen».
Fota: FK «Miechielen»
Pracoŭnaje pahadnieńnie z «Miechielenam» raźličana na čatyry hady. Pa niekatorych danych, suma tranśfieru skłała 800 tysiač jeŭra, piša football.by.
U piaci praviedzienych pajadynkach čempijanatu novaja kamanda biełarusa nabrała vosiem bałaŭ i zajmaje šostaje miesca ŭ tablicy.
Apošnim kłubam Kirejeva byŭ «Ljers» (druhi dyvizijon), u składzie jakoha paŭabaronca za dva siezony pravioŭ 40 matčaŭ, zabiŭ šeść hałoŭ i addaŭ čatyry vynikovyja pieradačy.
U vyšejšych dyvizijonach jeŭrapiejskich čempijanataŭ biełaruskaje pradstaŭnictva nie nadta vialikaje.
U vyšejšych dyvizijonach u Jeŭropie biełarusy hulajuć u Bałharyi (dva čałavieki), Bośnii i Hiercahavinie (1), Hrecyi (1), na Kipry (1), Partuhalii (1), Polščy (2), Sierbii (1), Słavienii (1).
Što da krain byłoha SSSR, to najbolšaja dyjaspara ŭ vyšejšym dyvizijonie Kazachstana (15), u Rasii (8), Kyrhyzstanie (8). Małdova (3), Litva (2), Hruzija (1), Armienija (1).