Kiroŭcaŭ buduć karać za jazdu biez uklučanych far udzień. Kolki štraf?
U DAI nahadali pra tradycyjnuju akcyju pierad pačatkam navučalnaha hoda: z 25 žniŭnia pa 5 vieraśnia ŭsie transpartnyja srodki pavinny ruchacca z uklučanym blizkim śviatłom far abo dzionnymi chadavymi ahniami.
Akcyja pravodzicca ŭ miežach kampanii «Uvaha — dzieci!», meta jakoj — pryciahnuć uvahu da biaśpieki dziaciej na darohach i papiaredzić DTZ ź ich udziełam.
Pavodle źviestak DAI, za siem miesiacaŭ hetaha hoda na darohach krainy zahinuli 17 niepaŭnaletnich (11 ź ich byli pasažyrami, čaćviora — piešachodami, dvoje — kiroŭcami), jašče 253 dziciaci atrymali traŭmy.
Praviły darožnaha ruchu praduhledžvajuć dva abaviazkovyja pieryjady ŭklučeńnia far udzień: z 25 maja pa 5 červienia i z 25 žniŭnia pa 5 vieraśnia.
Za parušeńnie patrabavańnia — štraf da troch bazavych vieličyń (ciapier heta 126 rubloŭ). Pry pieršym vypadku mahčymaje papiaredžańnie.