MZS Słavakii pryhraziła, što praz udary pa naftapravodzie «Družba» paciarpić sama Ukraina
Ministr zamiežnych spraŭ Słavakii Juraj Błanar zajaviŭ, što ataki USU pa naftapravodzie «Družba», pa jakim rasijskaja nafta pastupaje ŭ Słavakiju, supiarečać intaresam jaho krainy i mohuć pryvieści da deficytu dyziela va Ukrainie.
Ministr zamiežnych spraŭ Słavakii Juraj Błanar. Fota: Getty Images
Pavodle jaho słoŭ, naftapierapracoŭčy zavod Slovnaft źjaŭlajecca važnym pastaŭščykom paliva ŭ rehijonie: kala 10% štomiesiačnaha spažyvańnia dyziela va Ukrainie zabiaśpiečvajecca mienavita im.
Ukrainski bok, adznačyŭ Błanar, pryniaŭ hetuju infarmacyju da ŭvahi.
Ministr padkreśliŭ, što Słavakija płanuje abmierkavać situacyju z ukrainskim uradam.
«My razumiejem składanaści dla Ukrainy, ale dla nas hetaja infrastruktura vielmi važnaja. Asabliva, kali bačym, što sama Ukraina ryzykuje zastacca biez dastatkovaj kolkaści paliva», — skazaŭ jon.
Ministry zamiežnych spraŭ Vienhryi i Słavakii taksama aficyjna paskardzilisia Jeŭrakamisii, padkreśliŭšy, što ataki pahražajuć biaśpiecy enierhietyčnych pastavak u rehijonie i mohuć stvaryć prablemy navat dla samoj Ukrainy.
Čytajcie taksama:
«Ja vielmi zły z-za hetaha. Pieradaj Słavakii». Tramp adkazaŭ Orbanu na jahonuju skarhu na ŭkraincaŭ