U Vienhryi rascanili ŭśmiešlivy adkaz Zialenskaha adnosna naftapravoda «Družba» jak pahrozy Budapieštu
Ministr zamiežnych spraŭ Vienhryi Peter Sijarta źviarnuŭsia da prezidenta Ukrainy Uładzimira Zialenskaha z zaklikam nie pahražać Vienhryi. Jon zajaviŭ, što kiraŭnik Ukrainy vykarystaŭ nacyjanalnaje śviata, kab nakiravać pahrozy ŭ bok Budapiešta.
Ministr zamiežnych spraŭ Vienhryi Pieter Sijarta. Fota: Horacio Villalobos#Corbis / Corbis via Getty Image
Pavodle słoŭ vienhierskaha ministra, Vienhryja rašuča adkidaje lubyja formy zapałochvańnia i nahadvaje, što pavaha da suvierenitetu i terytaryjalnaj cełasnaści — asnoŭnaja kaštoŭnaść u mižnarodnaj palitycy.
Sijarta adznačyŭ, što ŭ apošnija dni byli zroblenyja surjoznyja ŭdary pa vienhierskaj enierhietyčnaj sistemie, i takija dziejańni jon rascaniŭ jak ataku na suvierenitet krainy. Vienhryja, padkreśliŭ jon, nie maje dačynieńnia da vajny va Ukrainie, tamu niedapuščalna, kab jaje suvierenitet parušaŭsia.
Da svajoj zajavy Sijarta prykłaŭ videa z pres-kanfierencyi Zialenskaha, dzie ŭkrainski prezident adkazaŭ na pytańnie nakont cisku na premjera Vienhryi Viktara Orbana paśla ŭdaraŭ pa naftapravodzie «Družba» i ŭ kantekście mahčymaj padtrymki Donaldam Trampam admieny vienhierskaha vieta na pačatak pieramovaŭ ab ustupleńni Ukrainy ŭ ES.
Zialenski ŭ svaim adkazie zajaviŭ, što Kijeŭ zaŭsiody padtrymlivaŭ siabroŭstva ź Vienhryjaj, ale ciapier isnavańnie hetaha «siabroŭstva» zaležyć ad samoha Budapiešta.
Juryj Błanar, ministr zamiežnych spraŭ Słavakii, jakaja taksama razam ź Vienhryjaj choča praciahvać atrymlivać rasijskuju naftu pa «Družbie», pryhraziŭ, što paśla ŭdaraŭ USU pa naftapravodzie jahonaja kraina moža skaracić pastaŭki Ukrainie dyzielnaha paliva. Jon nahadaŭ, što słavacki NPZ «Słaŭnaft» pracuje na rasijskaj nafcie.
Čytajcie taksama:
«Ja vielmi zły z-za hetaha. Pieradaj Słavakii». Tramp adkazaŭ Orbanu na jahonuju skarhu na ŭkraincaŭ
Pastaŭki nafty pa naftapravodzie «Družba» ŭ Jeŭropu znoŭ spynilisia