U Frankfurcie-na-Majnie abmiarkujuć mahčymaść ustalavańnia pamiatnaj šyldy Vasilu Bykavu
Biełaruskaja supolnaść u Hiermanii RAZAM e.V. inicyjavała abmierkavańnie mahčymaści ŭstalavańnia pamiatnaj šyldy Vasilu Bykavu ŭ Frankfurcie-na-Majnie, piša Reform. U 2001-2002 hadach biełaruski piśmieńnik žyŭ i pracavaŭ u vyhnańni ŭ niamieckim horadzie.
2 vieraśnia ŭ Frankfurcie-na-Majnie adbudziecca adkrytaje pasiadžeńnie miascovaj rady, dzie pradstaŭniki zhurtavańnia RAZAM e.V. Jaŭhienija Hukava i Aleś Maisiejenka raspaviaduć pra dziejnaść i tvorčaść aŭtara «Znaka biady», «Sotnikava», «Abieliska», «Doŭhaj darohi dadomu» i inšych tvoraŭ.
RAZAM e.V. zaprašaje padtrymać inicyjatyvu i naviedać pasiadžeńnie, kab padkreślić značnaść ušanavańnia pamiaci biełaruskaha tvorcy i hramadzianina.
Pa vynikach abmierkavańnia budzie vyniesiena i rašeńnie miascovaj rady.
Čas i miesca sustrečy: 2 vieraśnia, 19.15, Stadtbücherei, Hasengasse 4, Frankfurt am Main.