Cichanoŭski ličyć, što ŭ Minsku budzie vulica Navalnaha
Siarhieja Cichanoŭskaha na viečarovym strymie spytali, jak jon adnosicca da zahinułaha ŭ turmie lidara rasijskaj apazicyi Alaksieja Navalnaha i da jaho dziejnaści.
Alaksiej Navalny. Fota: Sefa Karacan / Anadolu Agency via Getty Images
Cichanoŭski raspavioŭ, što mieŭ mimalotnaje znajomstva z Navalnym.
— Vypadkova sustrelisia na vulicy. Litaralna 15 siekund — pierakinulisia słovam i razyšlisia. Jon tady mianie spałochaŭsia — taki vialiki baradaty dziadźka. Ja tady jašče ŭ jaho paprasiŭ numar telefona, ale jon pabajaŭsia jaho pakinuć, — uzhadaŭ Cichanoŭski.
Jon skazaŭ, što ličyć Navalnaha «sumlennym, prystojnym čałaviekam, hierojem».
— I jaho imiem buduć nazyvać vulicy, u tym liku i ŭ Biełarusi. Sto adsotkaŭ. Ja heta baču. Heta tolki pytańnie času, — miarkuje Cichanoŭski.