Minskija ŭłady prakamientavali čutki pra admienu stancyi mietro «Prafsajuznaja»
Na dniach u siecivie źjaviłasia infarmacyja, što adnoj z novych stancyj zialonaj vietki mietro nie budzie. Havorka pra «Prafsajuznuju», jakuju chacieli pabudavać na skryžavańni vulicy Mielnikajcie i praśpiekta Pieramožcaŭ. Adnak aficyjnaha paćviardžeńnia hetamu nie było. Onlíner źviarnuŭsia pa kamientar u Minharvykankam.
— Byŭ pierahledžany prajekt, praanalizavany pasažyrapatok, prapusknaja zdolnaść, u cełym metazhodnaść raźmiaščeńnia tam stancyi. Važna ŭličvać i toje, što pobač «Niamiha» i «Frunzienskaja». U vyniku pierahladu hetaj stancyi niama, — adkazali ŭ pres-słužbie Minharvykankama.
Stancyja «Prafsajuznaja» pavinna była źjavicca na Zielenałužskaj linii, pobač z skryžavańniem vulicy Mielnikajcie i praśpiekta Pieramožcaŭ. Nazvu jana atrymała pa budynku Fiederacyi prafsajuzaŭ Biełarusi.