U Hrodnie zatrymali maładuju paru na invalidnych vazkach. Vyśvietliłasia, što jany zdarovyja
Maładyja ludzi vyrašyli trochi padzarabić na miłaścinie.
Skrynšot videa hrodzienskaj milicyi
U Hrodnie siłaviki zatrymali maładuju paru na invalidnych vazkach. 22-hadovaja dziaŭčyna i 25-hadovy chłopiec źjaŭlalisia ŭ roznych miescach horada i prasili miłaścinu.
Čamu milicyjaniery vyrašyli ich pravieryć, nieviadoma. Ale vyśvietliłasia, što maładyja ludzi całkam zdarovyja, i vazki im nie patrebnyja. Invalidnaści ŭ ich niama.
Para prosta vyrašyła padpracavać. Maładyja ludzi pryjechali ź Viciebska ŭ Hrodna, miarkujučy, što ŭ novym horadzie ich nichto nie viedaje i minaki ničoha nie zapadozrać.
Dziaŭčyna raskazała, što hrošaj siamji nie chapała. Na pracu jaje nie brali, tamu što niama adukacyi. Muž pieryjadyčna padpracoŭvaŭ pajezdkami na zarobki ŭ Maskvu. Maładyja ludzi płanavali padzarabić krychu hrošaj i viarnucca ŭ Viciebsk. Kolki para paśpieła zarabić, nieviadoma. Ale dziaŭčyna kazała, što ludzi da ich padychodzili i achviaravali.
Ciapier siłaviki vyrašajuć, jak žycharoŭ Viciebska pakarać.