Aeraporty Vilni i Koŭna dazvolili pranosić na bort da 2 litraŭ vadkaści ŭ ručnoj pakłažy
Vadkaść i rečy ciapier možna nie vymać z bahažu.
Fota: vecteezy.com
Z 22 žniŭnia ŭ aeraportach Vilni i Koŭna, jakimi časta karystajucca biełarusy, pasažyram bolš nie treba budzie vymać vadkaści z ručnoj pakłažy, tam ža možna pakinuć i elektronnyja pryłady, paviedamlaje LRT.
«Upłyŭ hetaha rašeńnia na zručnaść pasažyraŭ budzie vielizarny. Praściej kažučy, čałavieku, jaki prachodzić avijacyjnuju pravierku, bolš ničoha nie treba budzie dastavać z bahažu — ekanomicca čas i źmianšajecca stres», — adznačyŭ kiraŭnik Departamienta biaśpieki i achovy kampanii Vidas Kšanas.
Rašeńnie pryniata, dziakujučy Jeŭrakamisii, jakaja ŭ kancy lipienia dazvoliła pieravozić u ručnoj pakłažy lubyja jomistaści z vadkaściami da 2 litraŭ.