«Mahčyma, ja z zababonami». Tusk suprać praviadzieńnia pieramoŭ Zialenskaha i Pucina ŭ Vienhryi
Premjer-ministr Polščy Donald Tusk zajaviŭ, što nie padtrymlivaje ideju praviadzieńnia pieramoŭ pamiž prezidentam Uładzimiram Zialenskim i kiraŭnikom Kramla Uładzimiram Pucinym u Vienhryi. Pra heta jon napisaŭ u sacsietcy X.
Fota: Getty Image
ŚMI raniej paviedamlali, što ŭ ZŠA razhladajuć Vienhryju jak mahčymaje miesca praviadzieńnia samitu Zialenskaha i Pucina.
Adnak Tusk ličyć, što praviadzieńnie pieramoŭ u stalicy Vienhryi, dzie ŭ 1994 hodzie byŭ padpisany Budapiešcki miemarandum, stanie histaryčnaj ironijaj.
«Budapiešt? Nie ŭsie heta pamiatajuć, ale ŭ 1994 hodzie Ukraina ŭžo atrymała harantyi terytaryjalnaj cełasnaści ad ZŠA, Rasii i Vialikabrytanii. U Budapiešcie. Mahčyma, ja z zababonami, ale hetym razam ja b pastaraŭsia znajści inšaje miesca», — skazaŭ Tusk.