Mašyna ŭrezałasia ŭ błohieraŭ, pakul jany jeli ŭ restaranie VIDEA
Amierykanskija jutubiery cudam zastalisia žyvyja, a momant avaryi trapiŭ na ich kanał.
Skrynšot ź videa: @UnratedExFiles / YouTube
Zdareńnie adbyłosia tady, kali 17 žniŭnia Patryk Błekvud i Nina Sanćjaha, jakija viaduć jutub-kanał Unrated Ex Files, zdymali ahlad na adzin z restaranaŭ u Chjustanie.
Na videa bačna, jak duet kaštuje padadzienyja stravy. Praź niekalki imhnieńniaŭ mašyna taranić šklanuju ścianu, raźbivajučy jaje i pierakulvajučy stoł.
Aboje byli špitalizavanyja ź nievialikimi traŭmami, u asnoŭnym z-za raźbitaha škła. Žančyna pakazała fatahrafii ran na tvary i zapiaści, a chłopiec padzialiŭsia fatahrafijami kryvavych ranak na ščace, hrudziach i ruce.
«Ja biaźmierna ŭdziačnaja, što žyvaja. Hety vopyt pakazaŭ mnie, chto sapraŭdy maje značeńnie. Žyćcio zanadta karotkaje dla kryŭdaŭ i hnievu. Heta moh być naš apošni pryjom ježy», — napisała paciarpiełaja ŭ sacyjalnych sietkach.