Vienhryja zajaviła, što Ukraina atakavała naftapravod i spyniła pastaŭki nafty ŭ ich krainu
Z-za ataki Ukrainy na naftapravod pastaŭki nafty z Rasiju ŭ Vienhryju prypynienyja, zajaviŭ kiraŭnik vienhierskaha MZS Pieter Sijarta.
Ministr zamiežnych spraŭ Vienhryi Pieter Sijarta. Fota: Horacio Villalobos#Corbis / Corbis via Getty Image
«Ukraina znoŭ atakavała naftapravod, jaki viadzie ŭ Vienhryju, pierakryŭšy pastaŭki. Heta apošniaja ataka suprać našaj enierhietyčnaj biaśpieki źjaŭlajecca aburalnaj i nieprymalnaj!» — napisaŭ Sijarta ŭ tvitary.
Pavodle jaho słoŭ, rasijanie pracujuć nad adnaŭleńniem transfarmatarnaj stancyi, nieabchodnaj dla pracy naftapravoda, ale pakul jany nie mohuć skazać, kali pastaŭki adnavicca.
«Na praciahu 3,5 hadoŭ Brusiel i Kijeŭ sprabujuć uciahnuć Vienhryju ŭ vajnu va Ukrainie. Hetyja paŭtornyja ŭkrainskija ataki na naša enierhietyčnaje zabieśpiačeńnie słužać toj ža mecie», — zajaviŭ Sijarta.