Kolkaść zahinułych supracoŭnikaŭ rasijskaha vajskovaha zavoda vyrasła da 23 čałaviek
Ad pradpryjemstva ŭ Razanskaj vobłaści, dzie vyrablali porach, nie zastałosia ničoha.
23 čałavieki zahinuli ŭ vyniku vybuchu na zavodzie ŭ Razanskaj vobłaści. Jašče adzin z paciarpiełych pamior u maskoŭskaj balnicy, 153 čałavieki atrymali traŭmy.
Płošča razbureńniaŭ — kala 3 tysiač kvadratnych mietraŭ. Usiu hetuju terytoryju ŭžo abśledavali kinołahi ŭ pošukach tych, chto vyžyŭ.
Ratavalniki praciahvajuć raźbirać zavały. Z paciarpiełymi pracujuć psichołahi MNS.
Vybuch u parachavym cechu zavoda «Ełastyk» u Šyłaŭskim rajonie Razanskaj vobłaści adbyŭsia ranicaj 15 žniŭnia. Spačatku na zavodzie pačaŭsia pažar, jaki potym pierakinuŭsia na try budynki, u tym liku na skład sa snaradami i cech, jaki zajmaŭsia vytvorčaściu snaradaŭ.