Rasijskamu hienierału paśla ŭkrainskaj ataki amputavali ruku i nahu
Hałoŭnaje ŭpraŭleńnie raźviedki Ministerstva abarony Ukrainy paviedamiła pra ciažkaje ranieńnie rasijskaha hienierał-lejtenanta Esieduły Abačava, namieśnika kamandujučaha hrupoŭkaj vojskaŭ «Poŭnač».
Hienierał-lejtenant Esieduła Abačaŭ
Pavodle danych HUR, u noč z 16 na 17 žniŭnia ŭkrainskija padraździaleńni nanieśli ŭdar pa kałonie praciŭnika na trasie Rylsk — Chamutoŭka ŭ Kurskaj vobłaści Rasii.
U vyniku ataki hienierał atrymaŭ surjoznyja traŭmy. Abačava terminova dastavili vajennym transpartnym samalotam u Centralny kliničny špital imia Višnieŭskaha ŭ Maskvie. U vyniku ranieńniaŭ jamu amputavali ruku i nahu, paviedamlaje viedamstva.