Hienštab USU paviedamiŭ pra pośpiechi ŭ rajonie Dabrapolla, dzie vojski RF ažyćciavili praryŭ
Hienieralny štab Uzbrojenych sił Ukrainy zajaviŭ, što z 4 pa 16 žniŭnia ŭkrainskija vajskoŭcy «začyścili» ad rasijskich sił šeść nasielenych punktaŭ kala Dabrapolla. Raniej u hetym rajonie armija RF ažyćciaviła praryŭ frontu, uvajšoŭšy ŭ hłybiniu ŭkrainskaj abarony prykładna na 10 km.
Karta DeepState na 17 žniŭnia
U paviedamleńni Hienštaba USU havorycca, što ŭkrainskija siły kančatkova vyzvalili vioski Hruzaŭskoje, Rubiežnaje, Novavadzianaje, Piatroŭka, Viasiołaje i Załaty Kałodziež.
«Praviadzieńnie stabilizacyjnych dziejańniaŭ u napramku horada Dabrapolle, jaki znachodzicca ŭ Danieckaj vobłaści, praciahvajecca», — piša Hienštab USU.
Uzbrojenyja siły Ukrainy zajaŭlajuć, što ŭ asnoŭnym likvidavali pahrozu abvału abarony i łakalizavali praryŭ, adnak bajavyja dziejańni praciahvajucca, i pošuk hrup rasijskich vajskoŭcaŭ, što pranikli ŭ rajonie Dabrapolla, usio jašče idzie.