Ukraina ŭviała sankcyi suprać biełaruskich pradpryjemstvaŭ, jakija dapamahajuć vytvorčaści «šachiedaŭ»
Prezident Ukrainy Uładzimir Zialenski padpisaŭ ukaz ab uviadzieńni novych sankcyj suprać šerahu fizičnych asob i kampanij. U śpisie apynulisia i biełaruskija arhanizacyi — Minski zavod šaściareniek i Minski navukova-daśledčy pryborabudaŭničy instytut.
Sankcyi ŭviedzieny suprać pradpryjemstvaŭ vajenna-pramysłovaha kompleks i nakiravanyja na vytvorcaŭ BPŁA z vykarystańniem štučnaha intelektu i ich pastaŭščykoŭ.
Abmiežavańni prymienieny ŭ adnosinach da 39 fizičnych asob i 55 kampanij (43 rasijskija, 10 kitajskich, dźvie biełaruskija).
Sankcyi praduhledžvajuć błakiroŭku aktyvaŭ i abmiežavańni na finansavyja apieracyi, zabaronu ŭdziełu ŭ dziaržzakupkach i pryvatyzacyi, spynieńnie ździełak u śfiery biaśpieki i abarony, abmiežavańni dostupu da technałohij i intelektualnaj ułasnaści