Francužanka sprabavała ŭvieźci ŭ Biełaruś amal 600 hramaŭ zołata biez dekłaracyi
Incydent adbyŭsia ŭ punkcie propusku «Kamienny Łoh».
Fota: Mytny kamitet
Žančyna jechała na rejsavym aŭtobusie pa maršrucie Vilnia — Homiel i vybrała dla pierasiačeńnia miažy zialony kalidor, tym samym paćvierdziŭšy adsutnaść tavaraŭ, što padlahajuć abaviazkovamu dekłaravańniu, paviedamiŭ Mytny kamitet.
Ale padčas ahladu jaje bahažu hrodzienskija mytniki vyjavili 50-hramovy źlitak zołata i 84 załatyja maniety roznych naminałaŭ i hadoŭ vypusku, vyrablenyja ŭ Francyi, Italii i Šviejcaryi. Ahulnaja vaha vyrabaŭ skłała amal 600 hramaŭ.
Pa danych mytni, sproba niedekłaravanaha ŭvozu zołata mahła pryvieści da nieapłaty pošlin na 50 tysiač rubloŭ. Materyjały pa spravie nakiravany dla dalejšaha raźbiralnictva.