U Biełaviežskaj puščy znajšli redki vajskovy hryb
U Biełaviežskaj puščy znajšli redki hryb — vajskovy kardyceps (Cordyceps militaris), paviedamlaje pres-słužba nacyjanalnaha parku. Hety parazit zvyčajna sustrakajecca ŭ krainach Azii i ŭ Biełarusi vielmi redka, bo ŭ našych šyrotach umovy dla jaho isnavańnia amal adsutničajuć.
Supracoŭniki navukovaha adździeła znajšli hryb padčas palavych daśledavańniaŭ u sfahnavych chvajovych lasach. Kardyceps parazituje na nasiakomych, hałoŭnym čynam na muraškach i husienicach, pranikaje ŭ ich niervovuju sistemu, paralizuje arhanizm i atrymlivaje poŭny kantrol nad im.
U Kitai vajskovy kardyceps užo tysiačahodździami vykarystoŭvajuć u miedycynskich metach: ź jaho robiać preparaty, jakija pavyšajuć imunitet, vynoślivaść i ŭzrovień testasteronu ŭ mužčyn.
Hryb taksama pakazvali ŭ papularnym sieryjale The Last of Us, dzie jon vyklikaje hłabalnuju pandemiju i pieratvaraje ludziej u zombi. Ale biełaruskija mikołahi adznačajuć, što na samoj spravie taki scenaryj niemahčymy: hryb nie moža prystasavacca da čałaviečaha arhanizmu.
Čytajcie taksama:
Hrybnik pajšoŭ u lisički i sustreŭ «ptušku-dynazaŭra»