Bałkuniec: Ja źviazaŭsia z pamočnikami Trampa i paprasiŭ vyzvalić 1300 palitviaźniaŭ
Paśla telefonnaj razmovy Donalda Trampa i Alaksandra Łukašenki pra vyzvaleńnie jakich-niebudź palitviaźniaŭ jašče ničoha nie čuvać, ale błohier Dźmitryj Bałkuniec užo rychtuje hlebu dla taho, kab zasłuhu ŭ ich vyzvaleńni prypisać sabie.
Dźmitryj Bałkuniec
«Siońnia ja źviazaŭsia z pamočnikami prezidenta ZŠA, jakija znachodzilisia ź im pobač. Ad imia Belarus Democratic Forum i inicyjatyvy «Ultymatum» ja pieradaŭ aficyjny list na imia prezidenta ZŠA Donalda Trampa z prośbaj dapamahčy vyzvalić 1300 palityčnych źniavolenych i padniać hetaje pytańnie na sustrečy z Pucinym», — napisaŭ Bałkuniec u svaim telehram-kanale.
Treba dumać, mienavita paśla atrymańnia hetaha lista Tramp terminova nabraŭ numar Łukašenki.