Na biełaruska-polskaj miažy stajać užo 3700 lehkavych aŭtamabilaŭ
Na pahranpierachodzie «Brest» na vyjezd ź Biełarusi pa stanie na 12:00 stajać 3700 lehkavych aŭtamabilaŭ, paviedamlaje Pamiežny kamitet.
Ilustracyjny zdymak. Fota: terespol / Telegram
Siońnia ranicaj było 3500 mašyn, a za sutki čarha vyrasła na 650 aŭto. Takich vialikich čerhaŭ na vyjezd nikoli nie było.
Pryčym 13 žniŭnia była pieraadolena miaža ŭ 3000 aŭto.
Dniom 14 žniŭnia z zony čakańnia vyjazdžali mašyny, jakija zaniali čarhu viečaram 8 žniŭnia, to bok amal praz šeść sutak. Atrymlivajecca, što ŭ siarednim za sutki čarha prasoŭvałasia prykładna na 450 mašyn.
U pryhraničnych čatach pišuć, što ciaham apošnich dvuch sutak chutkaść afarmleńnia źniziłasia, i za sutki z zony čakańnia vyjazdžaje ŭsiaho kala 320 lehkavikoŭ.
Atrymlivajecca, što tyja, chto ciapier zajmaje miesca ŭ elektronnaj čarzie, zmohuć trapić u Polšču tolki praz 7—8 sutak.