U Minsku bankrutuje kampanija, jakaja 20 hadoŭ zajmałasia sacyjałahičnymi i markietynhavymi daśledavańniami
Ekanamičny sud Minska zavioŭ spravu ab bankructvie TAA «Centr sistemnych biźnies-technałohij Sacia». Heta kampanija zajmałasia sacyjałahičnymi apytańniami, markietynhavymi daśledavańniami, a taksama była arhanizataram konkursu «Brend hoda», piša Office Life.
Miarkujučy pa danych, ahučanych u sudzie, finansavaja situacyja ŭ «Sacia» — praktyčna biazvychadnaja. Jaje kredytorskaja zapazyčanaść aceńvajecca bolš čym u 1,46 młn rubloŭ, pryčym zvyš 1 młn — doŭh pierad FSAN. A aktyvaŭ — mienš za 160 tys.
Pryvatnaje pradpryjemstva «Sacia» było zarehistravana ŭ Minsku ŭ 2003 hodzie. Jaho stvarali pad arhanizacyju i praviadzieńnie nacyjanalnaha konkursu «Brend hoda». U kampanii byli i inšyja bujnyja prajekty. Naprykład, mižnarodnaja kanfierencyja Advancedbranding, inicyjatyva «Za sacyjalnuju adkaznaść biznesu» i inšyja.
Kampanija taksama zajmałasia navučańniem piersanału, roznymi sacapytańniami pa zamovach biźniesu, pravodziła markietynhavyja daśledavańni. Na praciahu pieršych dziesiaci hadoŭ jaje ŭznačalvała Žanna Hryniuk, ale ŭ 2013 hodzie jana pajšła z žyćcia paśla ciažkaj chvaroby.
U 2016 hodzie kampanija «Sacia» razam z konkursam «Brend hoda» była pradadziena mižnarodnamu chołdynhu CIVITTA. I ciapier adnym ź jaje zasnavalnikaŭ źjaŭlajecca TAA «Sivita BiUaj». Kiraŭnictva chołdynhu tady abiacała zachavać i kampaniju, i konkurs.
Sud adkryŭ u dačynieńni da «Sacia» konkursnuju vytvorčaść. Vierahodna, rašeńnie ab likvidacyi kampanii budzie pryniata ŭžo ŭ listapadzie.