Ukrainskija drony ŭdaryli pa Syzrani
Ukrainskija drony ŭdaryli pa naftapierapracoŭčym zavodzie ŭ horadzie Syzrań u Samarskaj vobłaści. Na fota bačna, miascovy NPZ i dva ci try ačahi pažaru ź vialikimi słupami čornaha dymu na im.
Rasijski łajalny ŭładam navinavy telehram-kanał SHOT napisaŭ, što žychary Syzrani paviedamlajuć pra «zaharańnie ŭ rajonie miascovaha NPZ paśla ataki USU».
«Jak raskazali SHOT miascovyja žychary, paśla sieryi vybuchaŭ ahoń i dym jany ŭbačyli ŭ rajonie miascovaha pradpryjemstva», — pieradaje kanał.
Syzranski ž NPZ bieśpiłotniki ŭžo dvojčy atakoŭvali ŭ hetym hodzie — 19 lutaha i 4 sakavika.