USU: Situacyja na Dabrapolskim kirunku stabilizujecca
Na Dabrapolskim kirunku situacyja pastupova biarecca pad kantrol: ukrainskija abaroncy nanosiać rasijskim vajskoŭcam adčuvalnyja straty. Pra heta ŭ aficyjnym kamientaryi zajaviŭ pradstaŭnik Hienieralnaha štaba Uzbrojenych Sił Ukrainy Andrej Kavaloŭ.
Mapa DeepState na 14 žniŭnia
Kavaloŭ zajaviŭ, što situacyja na Dabrapolskim kirunku stabilizujecca.
Pavodle rašeńnia Hałoŭnakamandujučaha Uzbrojenych Sił Ukrainy, dla ŭzmacnieńnia ŭstojlivaści i abarony na Dabrapolskim i Pakroŭskim napramkach vydzieleny dadatkovyja siły i srodki, skazaŭ pradstaŭnik Hienštaba ŭ karotkim kamientaryi.
«Padčas dziejańniaŭ pieršaha korpusa Nacyjanalnaj hvardyi Ukrainy «Azoŭ», sumiežnych i padparadkavanych padraździaleńniaŭ, vorah niasie značnyja straty.
Za apošnija sutki ŭ pałasie adkaznaści korpusa zabity 151 rasijski vajskoviec, 70 paranieny, 8 uziali ŭ pałon, zajaŭlajuć u Hienštabie.
12 žniŭnia stała viadoma, što rasijskaja armija prarvała pad Dabrapollem apošniuju kapitalnuju liniju abarony Danbasa. Ekśpierty havorać, što Ukraina maje zusim mała času, kab kontrudaram viarnuć i praduchilić dalejšyja terytaryjalnyja straty.