U DTZ pad Oršaj pierakuliłasia 26-hadovaja śledčaja, jaje mama zahinuła
DTZ adbyłosia ŭ minułuju niadzielu na darozie Orša — Dubroŭna. Aŭtamabil vylecieŭ u kiuviet i niekalki razoŭ pierakuliŭsia. Paciarpieli 23‑hadovaja pasažyrka, 26‑hadovaja kiroŭca, zahinuła 56‑hadovaja pasažyrka.
Fota: DAI Viciebskaj vobłaści
Pa infarmacyi Orsha.eu, 26‑hadovaja kiroŭca — heta śledčaja dubrovienskaha Śledčaha kamiteta Hanna Makarevič. U 2022 hodzie jana była pryznana adnoj z najlepšych supracoŭnic svajho adździaleńnia, prynamsi, tak jana kazała ŭ artykule na sajcie SK. A zahinułaja ŭ vyniku avaryi žančyna — maci maładoj śledčaj.
Uličvajučy, što na fota i videamateryjałach nie vidać inšych aŭtamabilaŭ ‑ udzielnikaŭ avaryi, možna mierkavać, što kiroŭca sama nie spraviłasia z kiravańniem. Aŭtamabil vylecieŭ u kiuviet, niekalki razoŭ pierakuliŭsia, a 23‑hadovuju pasažyrku daviałosia vymać z korpusa mašyny z dapamohaj ratavalnikaŭ.