Vydaviectva «Januškievič» adkryła pieradzakaz na «Dziunu» Frenka Hierbierta
Vydaviectva «Januškievič» adkryła papiaredni zakaz na biełaruskamoŭnuju viersiju «Dziuny» Frenka Hierbierta ŭ pierakładzie Ihara Kulikova — adnaho z najlepšych biełaruskich pierakładčykaŭ.
«Dla nas heta vielmi važnaja padzieja: ad pośpiechu hetaj knihi zaležyć šlach, jakim my pojdziem najbližejšym časam.
Majem spadziavańni, što fienamienalny tvor Hierbierta ŭzrušyć čytackuju aŭdytoryju i pa-novamu prastymuluje cikavaść da knih i čytańnia.
My rana adkryvajem papiaredni zakaz, kab jak śled padrychtavacca da novaha knižnaha siezonu. Abiacajem, što budzie mnostva cikavych navinak» — piša vydaviectva.
Start prodažaŭ pryznačany na 8 kastryčnika — dzień naradžeńnia samoha Frenka Hierbierta. Jakasny druk, ćviordaja vokładka, prafiesijnaja padrychtoŭka, bolš za 750 staronak.
Aformić papiaredni zakaz možna pa spasyłcy.
Čytajcie taksama:
Vyjšła novaja kniha vieršaŭ Mikity Najdzionava
Saša Filipienka paśla zabarony prodažu «Słana» ŭ Biełarusi vykłaŭ jaho ŭ internet