U Minsku sansłužba zakryła kramu z-za videa ŭ siecivie
U pačatku žniŭnia ŭ siecivie raspaŭsiudziłasia videa, źniataje ŭ kramie «Hrošyk» na vulicy Krupskaj u Minsku: u łatkach pradavali jajki z čarviakami, piša «Minsk-Naviny».
Videa z kramy nabrała kala 250 tysiač prahladaŭ. Im zacikaviŭsia Centr hihijeny i epidemijałohii Zavodskaha rajona Minska — handlovuju kropku pravieryli.
— 7 žniŭnia praviedziena acenka kramy «Hrošyk» TAA «Jeŭrahandal», padčas jakoj vyjaŭleny parušeńni zakanadaŭstva ŭ halinie sanitarna-epidemijałahičnaha dabrabytu nasielnictva, — raskazali śpiecyjalisty. — Pa faktach parušeńniaŭ vyniesiena pradpisańnie ab prypynieńni rabot i pasłuh u kramie, pačaty administracyjny praces u dačynieńni da adkaznaj słužbovaj i jurydyčnaj asob TAA «Jeŭrahandal», paviedamili ŭ viedamstvie.