Minčanku abviali vakoł palca, prykryŭšysia Trampam i Maskam
U Zavodskaje RAUS źviarnułasia 50-hadovaja žycharka stalicy, jakaja stała achviaraj kibiermachlaroŭ.
Fota: AP Photo/Evan Vucci
U sacyjalnych sietkach žančyna paznajomiłasia z «karejskim akcioram», jaki nibyta adpraviŭ joj siertyfikat na 20 miljonaŭ dalaraŭ, a taksama aŭtamabil Mercedes, paviedamlaje Milicyja Minska
Nieŭzabavie minčancy sapraŭdy pryjšło paviedamleńnie ad «mižnarodnaj słužby dastaŭki», što kaštoŭnaja pasyłka zatrymana, jaje treba razmytnić na dźvie tysiačy dołaraŭ.
Kali achviara paviedamiła, što takoj sumaj nie vałodaje, jaje ŭhavaryli nabyć zamiežnyja padarunkavyja karty ŭ košt apłaty mytnaha zboru. Lehalnaść padobnaj schiemy joj paćvierdzili ŭ miesiendžary nibyta Donald Tramp i Iłan Mask.
Tolki paśla pieravodu kala troch tysiač rubloŭ i čarhovaha patrabavańnia hrošaj jana zrazumieła, što trapiła na vudu ašukancaŭ.